สเหตุโก เจว น จ เหตุ กุสโล ธมฺโม นเหตุสฺส เจว นอเหตุกสฺส จ นกุสลสฺส จ นอเหตุกสฺส เจว นน จ เหตุสฺส นกุสลสฺส จ ธมฺมสฺส อารมฺมณปจฺจเยน ปจฺจโยฯ (3)

เหตุ เจว สเหตุโก กุสโล จ สเหตุโก เจว น จ เหตุ กุสโล จ ธมฺมา นเหตุสฺส เจว นอเหตุกสฺส นกุสลสฺส ธมฺมสฺส อารมฺมณปจฺจเยน ปจฺจโยฯ เหตุ เจว สเหตุโก กุสโล จ สเหตุโก เจว น จ เหตุ กุสโล จ ธมฺมา นอเหตุกสฺส เจว นน จ เหตุสฺส นกุสลสฺส ธมฺมสฺส อารมฺมณปจฺจเยน ปจฺจโยฯ เหตุ เจว สเหตุโก กุสโล จ สเหตุโก เจว น จ เหตุ กุสโล จ ธมฺมา นเหตุสฺส เจว นอเหตุกสฺส นกุสลสฺส จ นอเหตุกสฺส เจว นน เหตุสฺส นกุสลสฺส จ ธมฺมสฺส อารมฺมณปจฺจเยน ปจฺจโยฯ (3)

อารมฺมเณ นวฯ

[33] เหตุ เจว สเหตุโก จ อกุสโล ธมฺโม นเหตุสฺส เจว นอเหตุกสฺส นอกุสลสฺส จ ธมฺมสฺส อารมฺมณปจฺจเยน ปจฺจโยฯ (เอเตน อุปาเยน นว ปญฺหา กาตพฺพาฯ)

[34] เหตุ เจว สเหตุโก จ อพฺยากโต ธมฺโม นเหตุสฺส เจว นอเหตุกสฺส จ นอพฺยากตสฺส ธมฺมสฺส อารมฺมณปจฺจเยน ปจฺจโยฯ (นว ปญฺหา กาตพฺพาฯ) (สํขิตฺตํ, เหตุเหตุสมฺปยุตฺตทุกํ เหตุสเหตุกทุกสทิสํฯ สํขิตฺตํฯ นว ปญฺหาฯ)

6-1. นเหตุสเหตุกทุก-กุสลตฺติกํ

[35] นเหตุํ สเหตุกํ กุสลํ ธมฺมํ ปฏิจฺจ นเหตุ นสเหตุโก นกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

นเหตุํ สเหตุกํ อกุสลํ ธมฺมํ ปฏิจฺจ นเหตุ นสเหตุโก นอกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

นเหตุํ อเหตุกํ อพฺยากตํ ธมฺมํ ปจฺจยา นเหตุ นอเหตุโก นอพฺยากโต ธมฺโม อุปฺปชฺชติ เหตุปจฺจยา ฯ เหตุยา เอกํฯ

เหตุโคจฺฉกํ นิฏฺฐิตํฯ

7-8-1. สปฺปจฺจยาทิทุกานิ-กุสลตฺติกํ

[36] สปฺปจฺจยํ กุสลํ ธมฺมํ ปฏิจฺจ นอปฺปจฺจโย นกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

สปฺปจฺจยํ อกุสลํ ธมฺมํ ปฏิจฺจ นอปฺปจฺจโย นอกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

สปฺปจฺจยํ อพฺยากตํ ธมฺมํ ปจฺจยา นอปฺปจฺจโย นอพฺยากโต ธมฺโม อุปฺปชฺชติ เหตุปจฺจยาฯ เหตุยา เอกํ…เป.… (สํขิตฺตํ สปฺปจฺจยสทิสํ)ฯ

9-10-1. สนิทสฺสนาทิทุกานิ-กุสลตฺติกํ

[37] อนิทสฺสนํ กุสลํ ธมฺมํ ปฏิจฺจ นอนิทสฺสโน นกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ (อกุสลํ กุสลสทิสํฯ)

อนิทสฺสนํ อพฺยากตํ ธมฺมํ ปจฺจยา นสนิทสฺสโน นอพฺยากโต ธมฺโม อุปฺปชฺชติ เหตุปจฺจยาฯ เหตุยา เอกํฯ

อปฺปฏิฆํ กุสลํ ธมฺมํ ปฏิจฺจ นอปฺปฏิโฆ นกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

อปฺปฏิฆํ อกุสลํ ธมฺมํ ปฏิจฺจ นอปฺปฏิโฆ นอกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

อพฺยากโต เอกํฯ

11-1. รูปีทุก-กุสลตฺติกํ

[38] อรูปิํ กุสลํ ธมฺมํ ปฏิจฺจ นอรูปี นกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

อรูปิํ อกุสลํ ธมฺมํ ปฏิจฺจ นอรูปี นอกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

รูปิํ อพฺยากตํ ธมฺมํ ปจฺจยา นรูปี นอพฺยากโต ธมฺโม อุปฺปชฺชติ เหตุปจฺจยาฯ เหตุยา เอกํฯ

12-1. โลกิยทุก-กุสลตฺติกํ

[39] โลกิยํ กุสลํ ธมฺมํ ปฏิจฺจ นโลกุตฺตโร นกุสโล ธมฺโม อุปฺปชฺชติ เหตุปจฺจยา… เหตุยา ทฺเวฯ